Арменияның ауруларды бақылау және алдын алудың ұлттық орталығы масадан адамға жұғатын Батыс Ніл вирусының елде алғаш рет таралуын тіркеді, деп хабарлайды aqshamnews.kz.
20-ға жуық адам ауруханаға жатқызылып, бір науқас көз жұмған. Науқастардың жағдайы орташа және ауыр деп бағаланып отыр. Олардың ішіндегі ең жасы 25-те, ең егдесі 65-те. Барлық науқастың созылмалы және ауыр сырқаттары бар. Қаза болған 60-тан асқан адамның да созылмалы ауруы болған. Армения Денсаулық сақтау министрлігінің ауруларды бақылау және алдын алудың ұлттық орталығының директоры Степан Атоянның айтуынша, бұл аурудың нақты емі жоқ, тағайындалған ем симптоматикалық және бұл вирусқа қарсы вакцина әлі әзірленбеген. Батыс Ніл вирусын кулекс (Culex pipiens) масалар таратады. Арменияда Батыс Ніл вирусын жұқтыру жағдайлары негізінен елдің ыстық аймақтарында - Арарат, Армавир және Арагацотта тіркелген.
Армения масадан адамға жұғатын Батыс Ніл вирусын тіркеді
- Автор aqshamnews.kz
- 11:24, 19 тамыз 2024
stop-klopu.com