Ахан БИЖАНОВ, Алматы қаласы ардагерлер кеңесінің төрағасы:
– Әрбір сайлаудың орны мен уақыты болады. Бүгінгі сайлаудың да маңызы зор. Азаматтар белсенділік танытып, өзінің құқығын пайдаланып, таңмен таласа сайлау учаскелеріне баруда. Мен жаңа ғана сайлау учаскеме барып, өз таңдауымды жасадым. Бір қуантарлығы, дауыс беруге келгендердің дені – жастар. Бала-шағасымен, отбасымен келіп дауыс беруде. Әрине, біздің ардагерлер де бұл науқаннан тыс қалған жоқ. Олар да сайлауға белсене қатысады. Жастарға үлгі көрсетіп, ертемен өз учаскелеріне барып, дауыс берді. Жалпы, сайлаудың абыроймен өтетініне ешқандай күмән жоқ. Оның кепілі – ұрпақтар сабақтастығы, ұлттық сана-сезімі. Алматылықтар сайлауға түгел ат салысса екен деймін.