Бұл туралы Әлихан Смайылов мәлімдеді.
Халықтың ақылы жүйеге ауысып жатқан жолдардың жағдайына қатысты шағымы бар, деп хабарлайды Almaty-akshamy.kz Үкіметтің телеграм каналына сілтеме жасап.
Премьер-Министр еліміздің жол көлік қатынасын дамыту үшін соңғы жылдары ауқымды жұмыс жүргізілгенін атап өтті.
2025 жылға дейін нормативтік талаптарға сәйкес республикалық маңызы бар жолдардың үлесін 100%-ға, жергілікті жолдардың осындай үлесін 95%-ға дейін жеткізу көзделген. Дегенмен Үкімет басшысы қабылданып жатқан шараларға қарамастан, бірқатар проблемалық мәселе бар екенін атап өтті.
«Мемлекет басшысы жолдардың нашар жағдайын бірнеше рет айтты. Әрбір әкім өңірдегі жолдардың жай-күйіне тікелей жауапты екенін атап өткім келеді», — деді Әлихан Смайылов.
Жауапты ведомстволарға тиісті шаралар қабылдау тапсырылды.