Қарағандыда балалар ауруханасының дәрігерлеріне көрсетілген озбырлық еңбек қауіпсіздігін қамтамасыз ету мәселесін өзекті етіп отыр.
Ақ халаттыларға науқастың туысы жұдырық жұмсап, бірнеше қызметкердің денсаулығына ауыр зақым келтірген, деп хабарлайды aqshamnews.kz 24.kz-ке сілтеме жасап.
Жәбірленген дәрігерлердің бірінің миы шайқалып, екіншісінің мұрын сүйегі сынған. Қазір зардап шеккендер облыстық аурухананың нейрохирургия бөлімінде ем қабылдап жатыр.
Оқиға орнына барған Денсаулық сақтау министрі бұл жағдайды: «Жай бұзақылық емес, медицина қызметкерлеріне қарсы жасалған ауыр қылмыс», - деп бағалады.