Ұсталған адам қамауға алынды.
Талдықорғанда ақбөкен мүйізін сатпақ болған ауыл тұрғыны ұсталды, деп хабарлайды Almaty-akshamy.kz ҚР ІІМ-не сілтеме жасап.
Ақсу ауданының 32 жастағы тұрғыны полицейлердің, ҰҚК Шекара қызметінің және Ұлттық ұлан арнайы күштері қызметкерлерінің көмегімен 8 қаңтарда ұсталған.
Тінту кезінде 222 дана жануарлардың дериваттары бар екі жол сөмкесі тәркіленген.
Тергеу Қылмыстық кодекстің 339-бабына сәйкес жүргізіледі (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу).