«Игіліктің ерте-кеші жоқ».
АҚШ президенті Джо Байден мұсылмандарды Рамазан айының аяқталуымен және Ораза Айт мейрамымен құттықтады. Ол Ақ үйде Мұхаммед пайғамбардың жергілікті үмбетін қабылдады, деп хабарлайды Almaty-akshamy.kz 24.kz-ке сілтеме жасап.
Президент резиденциясындағы жиынды имам Мақдум Зиә Құран оқумен бастады.
Джо Байден, АҚШ президенті: -
«Рамазан адамды Құдайға және бір-біріне жақындатады. Күні бойы ауыз бекіту арқылы бір-біріңізді қолдайсыздар. Аш адамдарға тамақ бересіздер. Ораза аяқталған соң жаңа киім киіп, үйді безендіріп, тәттілермен Айт мейрамын атап өтесіздер. Мұсылмандар - еліміздің іргесін қаласқан адамдар. Олар азатттық үшін соғысқа да белсене қатысты. АҚШ-тың тәуелсіздігін алғашқылардың бірі болып мұсылман мемлекеті - Марокко таныған болатын. Біз Исламофобияның барлық формасына қарсы тұруымыз керек. Бұл менің әкімшілігімнің негізгі басымдығы», - дейді АҚШ президенті Джо Байден.
Қазір АҚШ-та 3,5 миллион мұсылман бар.