Азиядағы өзара іс-қимыл және сенім шаралары жөніндегі кеңестің (АӨСШК) бақылаушысы Абхишек Катияр Алматыда өткен брифингте еліміздегі жоғары заң шығарушы орган депутаттарын сайлау барысына баға берді, – деп хабарлайды aqshamnews.kz тілшісі.
Ол Алматыдағы үш сайлау учаскесіне барғанын, әсіресе жастардың сайлауға белсенді қатысып жатқанын атап өтті. Бақылаушы сайлау комиссияларының мүшелерімен және дауыс беруге келген тұрғындармен әңгімелескен.
«Сайлау ұйымдасқан түрде әрі ашық өтіп жатыр. Бақылау барысында дауыс беру үдерісінің заң талаптарына сай өтіп жатқанына көз жеткіздік. Сонымен қатар сайлау учаскелерінде тыныш әрі іскерлік ахуал қалыптасқан», – деді Абхишек Катияр.
Сондай-ақ, ол учаскелік сайлау комиссияларының жұмысын оң бағалап, оның ішінде мүмкіндігі шектеулі азаматтар үшін жасалған жағдайға тоқталды.