Қазақстандық әнші, All Давай тобының негізін қалаушы және продюсері Шоқан Маратұлы Қазақстанда атом электр станциясын салу мәселесі бойынша референдумға қатысты, деп хабарлайды aqshamnews.kz.
Әнші өз дауысын беру үшін №537 сайлау учаскесі орналасқан №17 мектеп-интернатына барды.
"Менің азаматтық борышым болғандықтан референдумға қатысу мен үшін маңызды болды. Мұнда бастысы халықтың өз ойын жеткізуге мүмкіндігі бар. Сондай-ақ, референдумның қорытындысы еліміздің қозғалыс, даму бағытын айқындайды", - деп әнші өз пікірін айтты.
Еске сала кетейік, бүгін Қазақстан аумағында АЭС салу мәселесі бойынша республикалық референдум өтуде. Қаладағы сайлау учаскелері сағат 20:00-ге дейін жұмыс істейді.