Бұл туралы ФБ парақшасында Серік Абас-шах жазды.
Қазақстанның еңбек сіңірген әртісі Гүлнәр Сиқымбаева қайтыс болды, деп хабарлайды aqshamnews.kz
Гүлнәр Сиқымбаева – Оңтүстік Қазақстан облысы Төле би ауданының Майбұлақ ауылының тумасы. “Мен саған өкпелемеймiн“ атты әнімен елге кеңінен танымал талантты әншінің “Бишi қайың“, “Қыз-қарағай“, “Сары бидай“, “Мен деп ойла“, “Сүйген жүрек“ “Туған жер“, “Наркескен“, “Күз секiлдi“ сияқты туындыларды нәшіне келтіре орындауы өнерсүйер қауымның көңілінен шыққан.
«Ұят болмасын» тележобасында Бақыт Жұмаділов ағамызбен (1947-2010) жұп қылып ойнатушы едік. Гүлекеңнің бойы Бақыттан әжептеуір биік болатын-ды, қызық болсын деп екеуін ерлі-зайыпты етіп қосып қойдым. Сценарий бойынша Гүлнар ханым «төсегі жиылмайтын» әйелдің рөлінде қайта-қайта төркініне кете беретін, Бәкең соған күйіп-пісіп жүретін-ді. Түсірілім кезінде екеуі бір-біріне сөйлемей жатып (сыртынан қарап) күле бастайтынбыз. Бақыт ағамыз 14 жыл бұрын жол апатынан көз жұмды, ал бүгін Гүлекең ұйқысынан оянбай қалыпты. Екеуі де 63 жасында қайтыпты. Иманды болсын!», деп жазды Серік Абас-шах.