АҚШ-тың Нью-Мексика штатында орман өртеніп, маңындағы бүтін бір ауыл жанып кетті.
Өрт 2 күнде 6 мың гектар жерді шарпыды. Соның салдарынан Руидосо ауылында 1400 үй қирап, 7 мыңнан астам адам қауіпсіз жерге көшірілді, деп хабарлайды аlmaty-akshamy.kz 24.kz-ке сілтеме жасап.
Жергілікті полиция бір адамның көз жұмғанын мәлімдеді. Аймақта төтенше жағдай жарияланып, өрт сөндіруге АҚШ Ұлттық гвардиясының қызметі жұмылдырылды. Брианна Вентура, Линкольн округінің ТЖ қызметі бойынша өкілі: - Өте ауқымды өрт. Дәл мұндай апатты жағдайды осыған дейін бұл маңнан көрмедім. Тұрғындарды шұғыл түрде эвакуациялап үлгердік. Ауыл бір-ақ сәтте тұруға жарамсыз болып қалды. Грекияда төтенше жағдай жарияланды Грекия да орман өртімен арпаласып жатыр. Билік апатқа байланысты төтенше жағдай жариялады. Афина маңындағы аудандарда 60-тан астам өрт ошағы тіркелген. Өрт сөндіруге 150-ден астам маман мен 45 техника жұмылдырылған. Айтуларынша, қызыл жалынмен күресуге аймақтағы аптап кедергі келтіруде. Сынап бағанасы 38 градустан асады.