Қазақстан Республикасы Ғылым және жоғары білім министрлігі Ғылым комитетінің Р. Б. Сүлейменов атындағы Шығыстану институты, Ислам Ынтымақтастығы Ұйымы (OIC) жанындағы Ислам тарихы, өнері мен мәдениетін зерттеу орталығы (IRCICA) және Ақтөбе облысының мәдениет, архивтер және құжаттама басқармасы бірлесіп, 2024 жылғы 18 қыркүйекте «Алтын Орда және оның мұрагерлерінің арабжазулы эпиграфикасы» тақырыбында халықаралық ғылыми семинар өткізеді.
Бұл маңызды іс-шара «Алтын Ордадан кейінгі қоғамның дәстүрі мен мәдениетіндегі сабақтастық пен өзгерістер (Батыс Қазақстан, Еділ-Орал, Дағыстан, Хорезм аймақтарындағы эпиграфикалық ескерткіштерді салыстырмалы зерттеу)» жобасын жүзеге асырудың негізгі бір бөлігі болып табылады.
Семинар барысында талқыланатын тақырыптар:
- Алтын Орда өркениеті орналасқан тарихи аймақтардың эпиграфикасы: жаңа олжалар және олардың интерпретациясы;
- Қазақстанның эпиграфикалық ескерткіштерін көршілес мемлекеттердегі арабжазулы жәдігерлермен салғастырмалы-салыстырмалы зерттеу;
- Алтын Орда өркениеті тарихи аймақтарының дамуы және мәдени дәстүрлердің тұрақты түрлерінің қалыптасуы.
Семинар қазақ, орыс, ағылшын тілдерінде өтеді.
Семинар барысында таныстырылатын кітаптар:
- Мүминов Ә.Қ., Дүйсенов Б.Д. «Абат-Байтақ» қорымының арабжазулы эпиграфикалық ескерткіштері» – Кітап-альбом. Алматы: Алтын парақ, 2023. – 496 б. + «Абат-Байтақ» қорымы фильмінің дискісі.
- Мәшһүр Жүсіп Көпейұлы. «Рисала-йи жанайиз (Жаназа кітабы)» – Алматы: Алтын парақ, 2024. – 260 бет.
Қатысу үшін өтініштер:
Қатысуға ниетті ғалымдарды 2024 жылдың 31 тамызына дейін баяндамалары мен өтініш-хаттарын келесі электрондық мекенжайларға жіберулеріңізді сұраймыз:
kz.orientalstudies.2024@gmail.com
shighistanu@mail.ru
Өтінім нысаны:
- Қатысушының тегі, аты, әкесінің аты.
- Қатысушының жұмыс орны, лауазымы, ғылыми дәрежесі мен атағы.
- Байланыс телефондары, e-mail адресі.
- Баяндаманың атауы.
Ұйымдастыру комитетінің байланыстары:
Мекенжай: 050010, Алматы қ., Құрманғазы к-сі, 29, Р.Б. Сүлейменов атындағы Шығыстану институты.
Анықтама телефондары:
+7 707 157-95-71 – Медерова Дина Есиркеповна
+7 701 697-96-90 – Курманбаева Куралай Смагуловна
Мақала ресімдеу талаптары:
- Мақала атауы мен автор туралы мәліметтер мақала жазылған тілде және ағылшын тілінде беріледі.
- Мақала атауы және түйіні ағылшын тілінде шамамен 200 сөзбен берілуі керек.
- Әдебиеттер мен дереккөздер тізімі нөмірленіп, мақаланың соңында көрсетіледі. Мәтіндегі сілтемелер тік жақшада беріледі [1: 245].