Ерекше қонақты көрген сайлаушылар Барыспен естелік суретке түсіп жатты, деп хабарлайды aqshamnews.kz тілшісі.
Бүгін Қазақ ұлттық қыздар педагогикалық университетінде орналасқан №102 сайлау учаскесіне ерекше «сайлаушы» – Алматының бойтұмары Барыс келді. Қала символы сайлау күніне мерекелік көңіл күй сыйлап, алматылықтарды Құрылтай сайлауына белсенді қатысуға үндеді.
Барыс учаскеден бюллетень алып, дауыс берді. Оның келуі бүгінгі күннің есте қаларлық сәттерінің біріне айналып, сайлау учаскесіндегі мерекелік көңіл күйді еселей түсті.
Ерекше қонақты көрген сайлаушылар Барыспен естелік суретке түсіп жатты. Әсіресе, балалардың қуанышында шек болмады. Тұрғындар мұндай тосын кездесудің сайлау учаскесіндегі күнді ерекше әрі есте қаларлық еткенін атап өтті.