Алматыдағы этномәдени бірлестіктердің жетекшілері қала тұрғындары мен бүкіл ел азаматтарын 15 наурызда жаңа конституция жобасы бойынша өтетін республикалық референдумға қатысуға шақырды, – деп хабарлайды aqshamnews.kz тілшісі.
Олардың айтуынша, дауыс беруге қатысу – әр азаматқа ел болашағына тікелей ықпал етіп, негізгі заңды заман талабына сай етіп жаңартуды қолдауына мүмкіндік береді.
«Ауған орталығы»» қоғамдық бірлестігі төрағасының орынбасары Дауд Мохаммад конституцияны жаңарту мемлекеттің дамуының заңды кезеңі екенін атап өтті.
«Бүгінде еліміз даму жолындағы аса маңызды кезеңде тұр, өйткені біз жаңа конституция жобасын талқылап жатырмыз. Жаһандық өзгерістер мен цифрландыру дәуірінде қоғамдық-саяси және экономикалық үдерістер өте жылдам өзгереді, сондықтан негізгі заң да уақыт талабына сай болуы тиіс. Жаңа конституция жобасының ұсынуы – ең дамыған елдержің өзі де қолданатын қалыпты әлемдік тәжірибе», – деді ол.
Спикер ауған қауымдастығының өкілдері бастаманы қолдайтынын және халық арасында белсенді түсіндіру жұмыстарын жүргізіп жатқанын жеткізді.
«Конституция – бұл мемлекет пен халық арасындағы қоғамдық келісім. Сондықтан оны қалыптастыруға әр азамат қатысуы керек», – деп қосты Дауд Мохаммад.
«Қазақстандағы ұйғыр жастарының одағы» РҚБ төрағасы Рустам Қайрыев те осыған ұқсас пікір білдірді. Ол қолданыстағы конституцияның маңызын атап өтіп, оны жаңарту қажеттігі туғанын айтты.
«Бүгін мен 30 жыл бойы азаматтардың құқықтарын қорғап келген конституциямызға алғыс айтқым келеді. Алайда жаңа заман бізге жаңа сын-қатерлер жүктейді, оларды еңсеру үшін жаңарған заң қажет», – дейді ол.
Рустам Қайрыевтің айтуынша, жаңа конституция жобасы қоғам сұранысын ескеріп, ел болашағына бағытталған.
«Халықтық конституция халық үшін жасалады. Сондықтан баршаңызды 15 наурызда референдумға келіп, таңдау жасауға шақырамын», – деді спикер.
Алматыдағы этномәдени бірлестіктер өкілдері референдумға қатысу – азаматтық жауапкершіліктің маңызды көрінісі әрі Қазақстанның орнықты дамуы мен жаңғыруына қосылған үлес деген ортақ пікірге келді.
