Алматының Жетісу ауданында бірнеше жыл ішінде 8 жалпы білім беретін мектепке толыққанды қосымша ғимараттар салынды. Бұл балаларды оқыту үшін қолайлы оқу жағдайларын жасауға мүмкіндік берді. Бұл туралы қаланың Жетісу ауданының әкімдігі мәлім етті, деп хабарлайды аlmaty-akshamy.kz.
Қосалқы оқу ғимараттары құрылыстарының арқасында қосымша 1 600 оқушы орны пайда болды. Сонымен қатар, сыныптар заманауи оқу құралдарымен, соның ішінде интерактивті тақталармен, робототехникамен жабдықталған және заманауи стандарттарға сәйкес келеді. Кейбір мектептерде жаңа акт залдары, асханалар мен спорт залдары салынды. Ауданның екі мектебі күрделі жөндеуден өтті. 
Аудан әкімі Гүлнар Көеобаеваның бастамасымен «Айнабұлақ 4» ш/а ескі қараусыз қалған балабақша орнында жаңа бөбекжай ғимараты салынды. Жақында жаңа балабақша ауданның 160 кішкентай тұрғынындарына есігін айқара ашады.
Сонымен қатар, үш шағын ауданда: Айнабұлақ, Кемел және Құлагер бірнеше жыл ішінде үш дене шынықтыру-сауықтыру кешені (ДСК) салынды. Оларда балалар тегін спортпен шұғылданады. Аудан аумағында екі жастардың комьюнити орталығы да салынды.
«Қиын жасөспірімдер» арасынан 200-ден астам ұлдар мен қыздар «Жаңа ұрпақ» мотивациялық лагерінде тегін оқудан өтті, онда олар жаңа дағдыларға ие болды, достар тапты, командада жұмыс істеуді үйренді және жеке жауапкершілік деңгейін арттырды, сондай-ақ өздеріне сене алды.