Алматы қаласы ПД-де жас полицейлерге офицерлік шендерін ведомство бастығы Арыстанғани Заппаров салтанатты түрде табыстады.
Жас қызметкерлердің патриоттық рухын арттыру мақсатында бұл іс-шара арнайы ПД мұражайының қабырғасында өткізілді. Қаладағы тәртіпті тәулік бойы қамтамасыз ететін офицерлер қатарын жас ұл-қыздар толықтырды. Атап айтқанда, отыздан астам тәртіп сақшысы лейтенант шендерін алды, деп хабарлайды Almaty-akshamy.kz Polisia.kz-ке сілтеме жасап.
– Біздің қатарымызды құқық қорғау органдарының жаңа буыны толықтырды. Жас қызметкерлер аға әріптестерінің дәстүрін лайықты түрде жалғастырып, кәсіби сынақтардан абыроймен өтеді деп сенгім келеді. Азаматтардың қауіпсіздігін қамтамасыз ету, алғы шепте қылмыспен жанқиярлықпен күресу міндеті сіздерге жүктеледі. Әрқайсыңыз жүрегіңіздің үнімен, жаныңыздың қалауымен қазақ полициясының қатарын толықтырдыңыздар. Анттарыңызға, халқыңызға адал болыңыздар! Сіздерді өмірлеріңіздегі айтулы оқиғамен шын жүректен құттықтаймын, құрметті әріптестер!, – деді Арыстанғани Заппаров.
Жас полицейлер күрделі іріктеуден өтті. Көпшілдік, әдептілік, төзімділік, заңды жақсы білу, дене шынықтыру дайындығы – осы қасиеттердің барлығы жас офицерлердің бойында бар.