Алматының із кесушілері ұрылардың 16 тобын әшкереледі
Алматы полициялары ұрлық жасады деген күдікпен бір топ адамды ұстады, деп хабарлады, Almaty-akshamy.kz.
Ішкі істер министрлігінің ресми сайтында жарияланған хабарға сәйкес, Алматының із кесушілері ұрылардың 16 тобын әшкереледі, – деп хабарлайды Polisia.kz. Қалалық криминалдық полицияның мәліметінше, пәтерлерден ұрлық жасау жыл басынан бері 2,1 есеге азайған.
Арнайы жүргізілген талдауға сәйкес, ұрлық көбінесе кілт таңдау, есікті сындыру, терезе және балкон арқылы кіру арқылы жасалады. Биылғы бес айда қала тұрғындарының үйінен ұрлықтың 88-ден астам эпизоды дәлелденген 16 қылмыстық топтың қылмыстық әрекеті тоқтатылды, – деді Алматы қалалық ПД Криминалдық полиция басқармасының бастығы Қуатбек Науатов.