Алматыда маусымның басынан бастап ХҚКО мен арнайы ХҚКО-ларда өзгерістер болады, деп хабарлайды aqshamnews.kz "Азаматтарға арналған үкімет" филиалына сілтеме жасап.
Олар 20:00-ге дейін және сенбі күндері жұмыс істейді. Мәліметке сәйкес, кезекшілік кесте бойынша келесі мекенжайлардағы ХҚКО-лар жұмыс істейді:
Әуезов ауданы бөлімі – Жандосов көшесі, 51;
Наурызбай ауданы бөлімі – Шұғыла шағынауданы, 347/1;
Түрксіб ауданы бөлімі – Рихард Зорге көшесі, 9.
Сонымен қатар, азаматтарды екі кезекші мамандандырылған ХҚКО қабылдайды:
Саялы шағынауданы – Аққайнар көшесі, 1;
Кемел шағынауданы – Ақсуат көшесі, 118.
Кезекші ХҚКО-лар жұмыс күндері 9:00-ден 20:00-ге дейін, сенбі күні 9:00-ден 13:00-ке дейін жұмыс істейді.
"Кезекші мамандандырылған ХҚКО-лар жұмыс күндері өтініштерді 09:00-ден 18:00-ге дейін қабылдайды, дайын құжаттар 20:00-ге дейін беріледі. Сенбі күндері өтініштер 09:00-ден 12:00-ге дейін қабылданып, дайын құжаттар 13:00-ке дейін беріледі", – делінген хабарламада.
Сонымен қатар, қалған барлық ХҚКО және арнайы ХҚКО-лар стандартты кесте бойынша жұмыс істейді: дүйсенбіден жұмаға дейін, 9:00-ден 18:00-ге дейін, сенбі – демалыс күні.
"Бірқатар мемлекеттік қызметтерді онлайн түрде де алуға болады – электрондық үкімет порталы, "ЦОН" мобильді қосымшасы және екінші деңгейлі банктердің қосымшалары арқылы", – деп нақтылады хабарламада.