Эпилепсияны диагностикалау және алғашқы медициналық көмек көрсету туралы дәріс-сабақты “Кең жүрек” қоғамдық қоры ұйымдастырды.
Дәрістің мақсаты: эпилепсия ұстамасына куә болған әр адам не істеу керектігін үйрету.
Эпилепсия ұстамасы кезінде алғашқы көмек, әдетте, жанында жүрген адамның әрекетіне байланысты болады.
Мұндай жағдайда келесі қадамдарды орындау қажет:
1. Жедел жәрдем шақырыңыз;
2. Сабырлы болыңыз, ұстаманың басталу уақытын белгілеңіз;
3. Науқастың басына жұмсақ зат қойып, қауіпсіз жағдай жасаңыз;
4. Аузына ештеңе салмаңыз, жағын ашуға тырыспаңыз;
5. Киімінің алдын ашып, белін босатыңыз;
6. Науқасты бір қырына жатқызып, ақырын ғана ұстаңыз, жарақат алмауын қадағалаңыз.
