2026 жылы 3 қазан сағат 09:00-ден 5 қазан сағат 20:00-ге дейін Алматының Бостандық ауданындағы Байсейітова көшесінің Абай даңғылынан №45 үйге дейінгі бөлігінде автокөлік қозғалысы уақытша шектеледі, – деп хабарлайды aqshamnews.kz тілшісі.
Бұл туралы «Алматы жылу жүйесі» ЖШС өкілдері хабарлады.
Уақытша шектеу жылу желісінің магистральдық учаскесінде жөндеу жұмыстарын жүргізу кезінде қауіпсіздікті қамтамасыз ету үшін енгізіледі. Жұмыс жылыту кезеңінде штаттан тыс жағдайдың туындау қаупін барынша азайту мақсатында жүргізіліп жатыр.
Уақытша қолайсыздық үшін кешірім сұраймыз. Тұрғындардан түсіністікпен қарауды өтінеміз.