Жаңбыр жауып, найзағай ойнайды, сондай-ақ қатты жел тұрады деп болжанды.
Синоптиктер алдағы жеті күнге алдын ала жасалған ауа райы болжамын ұсынды, деп хабарлайды Almaty-akshamy.kz
"Қазгидромет" РМК-ның Алматы және Алматы облысы бойынша филиалдарының жетекші инженер-синоптигі Дәулет Кісебаевтың айтуынша, 2024 жылғы 15-21 маусым аралығында Алматыда жаңбыр жауып, найзағай ойнайды, жел екпін алады, ауа райы құбылмалы болады. Келесі аптаның ортасында күндіз күн күркіреп, найзағай жарқылдап, қатты жел тұрады деп болжанады. Бұл жағдайда ауа температурасы төмендейді.
15 маусым: аспан бұлтты, күндіз аракідік жаңбыр жауады, найзағай ойнап, күн райы бұзылады. Солтүстік-шығыстан соққан желдің екпіні - 3-8 м/с, найзағай кезіндегі екпіні - 15 м/с. Ауа температурасы түнде: +14...+16°С, күндіз: +26...+28°С.
16 маусым: аспан бұлтты, күн райы жауын-шашынсыз. Ауа температурасы түнде: +17...+19°С, күндіз +30...+32°С.
17 маусым: аспан бұлтты, күн райы жауын-шашынсыз. Шығыстан соққан желдің екпіні - 3-8 м/с. Ауа температурасы түнде: +18...+20°С, күндіз: +30...+32°С.
18 маусым: аспан бұлтты, күндіз аракідік жаңбыр жауады, найзағай ойнайды. Оңтүстік-шығыстан соққан желдің екпіні - 3-8 м/с, найзағай кезіндегі екпіні - 18 м/с. Ауа температурасы түнде: +19...+21°С, күндіз: +31...+ 33°С.
19 маусым: аспан бұлтты, күндіз қатты жаңбыр жауып, найзағай ойнайды, бұршақ түседі. Оңтүстік-батысқа оңтүстік-шығыстан ойыса соққан желдің екпіні - 3-8 м/с, найзағай кезіндегі екпіні - 18 м/с. Ауа температурасы түнде: +18...+20°С, күндіз: +27...+29°С.
20 маусым: аспан бұлтты, түнде аздап жаңбыр жауады, найзағай ойнайды. Оңтүстік-батыстан, батыстан соққан желдің екпіні - 3-8 м/с, найзағай кезіндегі екпіні - 13 м/с. Ауа температурасы түнде: +14...+16°С, күндіз: +25...+27°С.
21 маусым: аспан бұлтты, күн райы жауын-шашынсыз. Түнде ауа температурасы: +14...+16°С, күндіз: +26...+28°С.
Бұған дейін синоптиктер демалыс күндері Қазақстанның басым бөлігінде аптап ыстық болатынын болжаған.
