Ғылым және жоғары білім министрлігінің жоғары және жоғары оқу орнынан кейінгі білім комитеті төрағасының орынбасары Әкерке Абылайхан биыл 7-8 мың төсек-орын тапшылығы болуы мүмкін екенін мәлімдеді, деп хабарлайды aqshamnews.kz
Оның айтуынша, басқа өңірден келетін студенттерді хостелдерге орналастыру ұсынылуы мүмкін.
- Алдын ала деректер бойынша, Алматы қаласында орын тапшылығы шамамен 7-8 мың болуы мүмкін. Бұл ретте жоғары оқу орындары студенттерді тек студенттік жастар тұратын хостелдерге орналастыру бойынша келісімшарттар жасай алады. Бұл - алдын ала мәліметтер. Өздеріңіз білесіздер, қазір ҰБТ өтіп жатыр. ҰБТ нәтижелері бойынша құжат қабылдау басталады, әрі қарай жағдайды бақылаймыз, - деді ол.