Олар үшін спорт – күнделікті өмір салты, деп хабарлайды aqshamnews.kz тілшісі.
Алматыдағы №250 сайлау учаскесінде сайлау күні сергек көңіл күймен басталды.
Учаскеге алғашқылардың бірі болып скандинавиялық жүріспен тұрақты айналысатын зейнеткерлер келді. Қариялар әдеттегідей таңғы жаттығу жасап, артынша дауыс беруге бет алған.
Олар үшін спорт – күнделікті өмір салты. Тұрақты жаттығу мен серуен денені шынықтырып қана қоймай, сергек жүруге және қоғамдық өмірден қол үзбеуге мүмкіндік береді. Дауыс бергеннен кейін зейнеткерлерге естелік ретінде шоколад табысталды.
Спортты серік еткен алматылық қариялар қоғамдық өмірге де белсене араласып келеді. Олардың бүгінгі әрекеті сергектік пен азаматтық жауапкершіліктің жасқа қарамайтынын аңғартты.
Осылайша, №250 сайлау учаскесінде күн таңғы жаттығудан басталып, маңызды таңдаумен жалғасты.