Шетелдік қонақ әмиянын Көк базар маңында жоғалтқан.
Алматылық полицейлер Швеция азаматшасының жоғалған әмиянын тауып берді, деп хабарлайды Almaty-akshamy.kz Polisia.kz-ке сілтеме жасап.
51 жастағы Швеция азаматшасы Моника Андерссон әмияны жоғалғаны туралы полицияға хабарлаған.
«Сағат 15:00 шамасында ПБ-ға бір әйел адам келіп, әмиянының жоғалғаны туралы хабарлады. Мүліктің белгілері мен әйелдің нақты қозғалу бағытын алғаннан кейін, бірінші болып криминалдық полиция бөлімі мен тергеу жедел тобының қызметкерлері бағыт-бағдар алды. Екі сағаттың ішінде әмиян табылды және иесіне қайтарылды. Әмиян ішіндегі заттар түгел болды, – деді Медеу аудандық полиция басқармасының бастығы Дәурен Өтебаев.
Швеция азаматы Моника Андерссон Алматы полицейлеріне алғысын білдірді.
«Менің әмиянымды тауып бергендеріңіз үшін сіздерге ризамын. Менің ешқандай шағымым жоқ. Сіздерге көп рахмет!» – деді, ол.