Былтыр колледж түлектері жұмысқа орналасу жағынан үздік көрсеткішке ие болды. 2025 жылғы қабылдау көрсеткіші бұрынғы рекордтарды жаңартты. Білім басқармасы мен Өңірлік коммуникациялар қызметі бірлесіп ұйымдастырған баспасөз турында осындай дерек айтылды.
2024 жылы еліміздің колледждері 23 429 білікті маманды даярлап шығарды. Олардың 22 117-сі жұмысқа орналасып, белгілі бір қызметпен айналысып жатыр, бұл жалпы түлектердің 94,4%-ы деген сөз. Оның ішінде 17 020 адам ресми түрде жұмысқа орналасса, 5 097 түлек "жұмыспен қамтылғандардың" санатына кіріпті:
• 3 642 түлек жоғары оқу орындарында оқуды жалғастырған,
• 460 адам қосымша біліктілік алу үшін колледжге қайта түскен,
• 556 адам Қарулы Күштер қатарына шақырылған,
• 296 түлек бала күтімі бойынша демалыста.
2024 жылы колледждерге 27 230 студент қабылданды. Оның 17 000-ы мемлекеттік білім беру тапсырысы бойынша оқиды:
• 6 960-ы жұмысшы мамандықтар,
• 10 040-ы орта буын мамандықтары бойынша білім алып жатыр.
Ал биыл колледж түлектерінің саны 26 000-нан астқан. 2025 жылғы қабылдау науқаны техникалық және кәсіптік білім беру жүйесіне деген қызығушылықтың артып келе жатқанын тағы да дәлелдеді. Бірінші курсқа 31 000-нан астам студент қабылданды, оның ішінде:
• 17 491 студент мемлекеттік тапсырыс бойынша білім алып жатыр,
o 7 116 – жұмысшы мамандықтар бойынша,
o 10 375 – орта буын мамандары бойынша.
Осындай оң динамика Қазақстан колледждерінің талапкерлер мен жұмыс берушілерге тартымды бола түскеніне дәлел. Колледждер жастарға нақты кәсіби және қызметте өсу мүмкіндігін ұсынып, еңбек нарығының сұранысына сай мамандарды даярлауда маңызды рөл атқарып отыр.