Табынбаев үшін бұл жеңіс кәсіпқой рингтегі төртінші жекпе-жегі
Қазақстандық боксшы Елхан Табынбаев (3-0, 1 КО) Мәскеуде жартылай ауыр салмақтағы WPBF тұжырымы бойынша жастар арасындағы әлем чемпионы атағы үшін үндістандық Исрар Усманимен (5-0, 5 КО) жекпе-жек өткізді, деп хабарлайды Almaty-akshamy.kz Prosports.kz-ке сілтеме жасап.
Бірінші раундтың өзінде-ақ 22 жастағы алматылық қарсыласын нокаутқа жіберді.
Табынбаев үшін бұл жеңіс кәсіпқой рингтегі төрт жекпе-жектегі төртінші және нокаутпен екінші жеңісі. Мәскеуде Усманиге қарсы жекпе-жек Елхан үшін Қазақстаннан тыс жерде про-статустағы бірінші болды.