Мюнхеннен Бейжіңге бағыт алған Lufthansa әуе компаниясының ұшағы Алматы әуежайына шұғыл қонуға мәжбүр болды, деп хабарлайды Aqshamnews.kz тілшісі.
Қазақстанның Көліктегі полиция департаментінің мәліметінше, рейс кезінде борттағы бір әйелдің жағдайы кенеттен нашарлаған. Осыған байланысты ұшақ Алматыға қонған. Алайда әуежай дәрігерлері мен жедел жәрдем қызметі әйел адамның әуе кемесі қонғанға дейін көз жұмғанын анықтады.
Алдын ала деректерге сәйкес, марқұмның жүрегі тоқтап қалған. Қайтыс болған әйел – шетел азаматы.