Қазақстанда жолаушылар пойызы арқылы коммерциялық жүк тасымалдаудың жаңа кезеңі басталды: Астанадан Алматыға Talgo пойызы арқылы 1 тонна 700 келі жүк сәтті жеткізілді. Бұл туралы Aqshamnews.kz сайты хабарлайды.
Жаңа логистикалық шешім – жылдам әрі тиімді
Жүк тасымалы "Қазақстан темір жолы" ҰК мен Warehouse Management IAA логистикалық компаниясының бірлескен серіктестігі арқылы жүзеге асты. Аталған компания еліміздегі киім-кешек дүкендерінің 80%-дан астамына қызмет көрсетеді және LTL-жеткізу бойынша жетекші ойыншы болып табылады.
Мақсат – жылдамдық пен сапа
Жобаның басты мақсаты – тауарды тұтынушыға жедел жеткізу, тасымалдау сапасын арттыру және сән индустриясындағы бизнеске заманауи логистикалық қызмет ұсыну. Talgo пойызының жылдамдығы мен сенімділігі логистика саласындағы жаңа мүмкіндіктерге жол ашуда.