Алматылықтар су тасқынынан зардап шеккен Атырау облысының тұрғындарына 30 тоннадан астап гуманитарлық көмек жинады. Оның ішінде 12 тонна азық-түлік, 10 тоннаға жуық киім, 7,2 тонна гигиеналық заттар, 2 тоннадан астам тұрмыстақ заттар, 200 килограммнан астам дәрі-дәрмек және т.б. заттар бар, деп хабарлайды almaty-akshamy.kz
Алмалы ауданы комьюнити орталығында ашылған кабылдау пункті 29 наурыздан бастап жұмыс істеді. Жәрдем қолын созуға қала тұрғындары, кәсіпкерлер және белсенді жастар атсалысты.
Гуманитарлық көмек қабылдау пунктінің жұмысына қаланың 30-дан астам ірі волонтерлік ұйымынан 150-ден астам еріктілер жұмылдырылды.
«Су тасқынынан зардап шеккен аймақтар қазіргі ахуалды және қандай зат¬тар қажет екенін хабарлап, бізге барлық ақпаратты жолдап оты¬рады. Алдыңғы аптада біз Орал қаласына 10 тонна гу¬манитарлық көмекті табыстап қайттық. Ал қазір Атырау облы¬сына гуманитарлық көмек жинап, жіберіп жатырмыз. Атырау облысына жиналған заттардың бір бөлігін Air Astana және Fly Arystan компа¬ниялары, екінші бөлігін қаламыз-дың кәсіпкерлері жүк көлігімен тегін жеткізіп беруге ниет білдірді. Гуманитарлық көмекті жинауға атсалысқан барша алматылықтарға ерекше алғыс білдіремін», - деді Алматы қаласы волонтерлер фронт-офисының жетекшісі Бағдат Анарбаева.
Алмалы ауданының комьюнити орталығында ашылған гуманитарлық көмек қабылдау пункті жұмысын жалғастыра береді. Жұмыс уақыты демалыссыз 10:00-ден 19:00-ге дейін.
Айта кету керек, алматылық ерік¬тілер осыған дейін Қазақ¬стан¬да және әлемде болған табиғи апат¬тар кезінде де үнсіз қалмай, қолдан келген көмегін аянып қалған емес. Былтыр Түркиядағы жойқын жер сілкінісінен зардап шеккендерге 50 тонна, ал Абай облысындағы қызыл жалынның салдарынан қиындық көрген тұр¬ғындарға 5 тоннадан астам гума¬ни¬тарлық көмек жинады. Одан өзге еріктілер фронт-офисі демеу¬шілер тарта отырып, бір жылдың ішінде 10 мың аз қам¬тылған отбасыға, 350 жетім балаға, 800-ден астам қартқа көмек көрсеткен.
