Алматыдан 195 шақырым қашықта жер сілкінді, - деп хабарлайды aqshamnews.kz тілшісі.
Жер сілкінісі Алматы қаласынан оңтүстік-шығысқа қарай 195 шақырым қашықта Қырғызстан аумағында орналасқан.
"14 қазанда Астана уақытымен сағат 12:17-де Қырғызстан аумағында жер сілкінісі тіркелді. Магнитудасы - 4.0, энергетикалық класы - 9.3", - деп жазылған Қазақ Ұлттық деректер орталығының хабарламасында.
Еуропа-Жерорта теңізі сейсмологиялық орталығының (EMSC) деректеріне сәйкес, жер сілкінісінің эпицентрі Бішкектен оңтүстік-шығысқа қарай 24 шақырым және Алматыдан оңтүстік-батысқа қарай 195 шақырым жерде орналасқан.
Қырғызстан Ұлттық ғылым академиясының Сейсмология институтының хабарлауынша, елді мекендерде жер сілкінісінің күші шамамен 2,5 балл болған. Жер сілкінісі Қара-Мойнок, Таш-Дөбе және Дон-Алыш ауылдарында сезілген.