Алматыда 4 шілде күні «Таза Қазақстан» республикалық бағдарламасы аясында қаланың барлық сегіз ауданын қамтыған кезекті апталық жергілікті сенбілік өтті. Іс-шара қаланы көркейту және аумақтардың тазалығын сақтау жұмыстары шеңберінде ұйымдастырылды, – деп хабарлайды aqshamnews.kz тілшісі.
Сенбілікке 2,4 мыңнан астам адам қатысты. Бұл жұмысқа 94 арнайы техника жұмылдырылды. Сенбілік қорытындысы бойынша 905 текше метр қоқыс пен қалдық жиналып, сыртқа шығарылды.
Тазалық жұмыстары барысында қоғамдық орындар, көшелер, саябақтар, сондай-ақ ірі жол бойы мен су айдындарына жақын аумақтар тазартылды.
Осындай экологиялық акцияларды апта сайын өткізу қаланың санитарлық жағдайын сақтауға, қоғамдық кеңістіктерді күтіп ұстау сапасын арттыруға және тұрғындар үшін жайлы қалалық орта қалыптастыруға мүмкіндік береді.