Алматыдағы сайлау учаскелерінде тұрғындарға арналған мәдени және шығармашылық іс-шаралар ұйымдастырылды, – деп хабарлайды aqshamnews.kz тілшісі.
Қала тұрғындары сайлауға қатысып қана қоймай, кітап жәрмеңкелерін аралады. Көрмелерді тамашалап, түрлі шығармашылық жиындарға қатысты.
Әсіресе, Алматы тарихына арналған кітап көрмелері көпшіліктің назарын аударды. Кітап беттерінен тұрғындар қаланың тарихи орындары мен
Алматының қалыптасуына үлес қосқан белгілі тұлғалар туралы тың мәліметтер алды.
Мәдени бағдарлама мұнымен шектелмеді. Дауыс беру орындарында:
♟️ шахмат және басқа да үстел ойындары;
🧠 балалар мен ересектер қызығушылықпен ойнаған ұлттық ойын – тоғызқұмалақ;
🏺 қыш бұйымдарын жасау шеберлігі;
🎨 сурет салу және шығармашылық сабақтар;
📖 ересектер мен балаларға арналған кітап жәрмеңкелері ұйымдастырылды.
Осылайша, сайлау күні тұрғындар уақытын пайдалы әрі қызықты өткізуге мүмкіндік алды. Бірі кітап қарап, енді бірі тоғызқұмалақ ойнап, тағы бірі шығармашылықпен айналысты. Сонымен қатар алматылықтар туған қаласының тарихы туралы көбірек білуге мүмкіндік алды.