Қазақ дәстүрінде ақ жаулық – даналықтың, сый-құрмет пен отбасы берекесінің нышаны, деп хабарлайды aqshamnews.kz тілшісі.
Алматының Әуезов ауданында аға буын өкілдері Құрылтай сайлауына қатысып, таңдау жасау үшін сайлау учаскелеріне келді.
Бұл аналар үшін сайлауға қатысу азаматтық борышты орындау ғана емес. Олардың артында мол өмірлік тәжірибе, жылдар бойы жасаған еңбек, бала өсіріп, немере тәрбиелеген ғұмыр жолы жатыр.
Сондықтан олар бүгін келер ұрпақ өмір сүретін елдің болашағына деген айрықша жауапкершілікпен дауыс беруге келді.
Қазақ дәстүрінде ақ жаулық – даналықтың, сый-құрмет пен отбасы берекесінің нышаны. Бүгін сайлау учаскелеріне келген ақ жаулықты аналардың бейнесі де ерекше мәнге ие болды.
Олар жастарға өз өнегесімен азамат болу – қоғамнан шет қалмау, елдің ертеңіне бейжай қарамау және қоғамдық өмірге белсене араласу екенін көрсетіп отыр.
Олардың таңдауы – бюллетеньге қойылған белгі ғана емес. Бұл – балалары мен немерелеріне туған елін қадірлеу, азаматтық жауапкершілікті сезіну және оның болашағына бейжай қарамау жөніндегі аманат.
Бүгін Әуезов ауданында осы аналармен бірге олардың өмірлік тәжірибесі де таңдау жасап жатқандай. Бұл – еңбектің, бейбіт өмір мен тұрақтылықтың қадірін білетін буынның тағылымы.
Аға буынның таңдауы – жүректен жүрекке, ұрпақтан ұрпаққа жалғасатын өнеге.