Әлеуметтік желіге "Забота" қарттар үйінде болған сұмдық жағдай тарады, деп хабарлайды almaty-akshamy.kz
Бейнежазбада қарттар үйіндегі науқас белгісіз себептермен мекеменің терезесінен құлап кеткен. Құлаған қартты қарттар үйінің қызметкерлері орнынан тұрғызып дәрігерлерге көрсетудің орнына, ішке кіргізіп жатқызып қойған.
Кейін терезеден құлап кеткен зейнеткердің бірнеше жері көгеріп, сынғаны белгілі болды.
Алматы қаласы полиция департаментінің хабарлауынша, оқиғаға қатысты тергеу басталған.
"Істің мән-жайын зерделеу үшін материалдар Алматы қалалық медициналық қызмет көрсету сапасын бақылау департаментіне жіберілді", – делінген полиция департаментінің хабарламасында.