2023 жылы 70% тозған мәдениет нысандарының инфрақұрылымына ерекше көңіл бөлінеді
Алматы әкімі Ерболат Досаев мәслихат отырысында қаладағы хайуанаттар бағын қайта жаңғырту жоспары туралы айтты, деп хабарлайды Almaty-akshamy.kz Zakon.kz-ке сілтеме жасап.
Әкімнің айтуынша, 2023 жылы 70% тозған мәдениет нысандарының инфрақұрылымына ерекше көңіл бөлінеді.
"Алматы хайуанаттар бағын қала тұрғындары мен туристерді тартатын орталыққа айналдыру үшін оны халықаралық стандарттарға сай кезең-кезеңімен қайта құруды бастау жоспарланып отыр", - деді Ерболат Досаев.
Оған қоса, әкім жалпы сомасы 2 млрд теңгеге "Алатау" дәстүрлі өнер театрын күрделі жөндеу, қуыршақ театрын, қалалық мұрағатты жаңғырту және кітапханаларды цифрландыру басталатынын қоса кетті.
Сонымен қатар 2022 жылы Қазақ мемлекеттік циркінің ғимаратын жаңғыртуға, Қазақ зағиптар қоғамы мен "Қазақ қоғамын" мәдениет үйінің жаңа ғимаратын салуға жобалық-сметалық құжаттама (ЖСҚ) дайындалды.
"Бұл мақсаттарға қосымша қаражат бөлінеді", - деді Ерболат Досаев.
Алматы хайуанаттар бағы – Қазақстандағы ең көне зоология саябақтардың бірі. 1935 жылы 25 қаңтарда құрылған, бірақ 1937 жыл ресми ашылу жылы болып саналады.
5 желтоқсанда қыс түсуіне байланысты хайуанаттар бағына қала қонақтары – үйректер, қарақұйрықтар мен көгершіндер келгені хабарланды. Олардың "тегін азықтануына" байланысты зообақ әкімшілігі құстардың қорегін екі-үш есеге арттырды.