Дәстүрлі күй өнерінің бай мұрасын таныстырады, деп хабарлайды aqshamnews.kz тілшісі.
Алматыда Құрманғазы атындағы Қазақ ұлттық халық аспаптар оркестрінің ұйымдастыруымен ұлттық музыка өнерінің жауһары – күйді дәріптейтін «Жеті мектеп - бір мұрат» атты ұлттық музыка өнеріміз күй кеші өтеді.
Ұлттық оркестрдің концерті дәстүрлі күй өнерінің бай мұрасын, оның сан қырлы орындаушылық дәстүрін және ұрпақтан ұрпаққа жалғасқан рухани сабақтастығын таныстырады.
Күй – қазақ халқының тарихы мен тағдырын, елдік рухын, табиғатпен үндес болмысын ұлттық аспаптар үні арқылы жеткізген бірегей өнер. Бұл кеште дәстүрлі күйдің көркемдік қуаты ұлттық оркестрдің кең тынысты орындау мәнерімен сабақтасып, көрерменге ерекше музыкалық әсер сыйлайды.
Концерттің арнайы қонақтары – Қазақстанның еңбек сіңірген қайраткері Саян Ақмолда, сыбызғышы, ҚР Мәдениет қайраткері Талғат Мұқышев және дәстүрлі әнші Біржан Бәзілжан.
Оркестрдің көркемдік жетекшісі – Қазақстанның еңбек сіңірген қайраткері Батыржан Мықтыбаев.
Дирижерлар: «Құрмет» орденінің иегері Абылай Тілепберген Қазақстанның еңбек сіңірген қайраткері Жексен Айсын, Халықаралық және республикалық конкурстардың лауреаты Нарын Кажгали.
Өтетін күні: 18 қыркүйек, 2026 ж.
Өтетін орны: Құрманғазы атындағы Қазақ ұлттық халық аспаптар оркестрінің концерттік залы. Алматы қаласы, Абылай хан даңғылы, 83 үй.
Басталуы: 19.00