4 қарашада сағат 20:00-ден бастап Алматыда қар жауа бастады. Ауа температурасы +2 °C, желдің жылдамдығы 2-7 м/с. Қар қалыңдығы қалада шамамен 1 см, таулы аймақта 10 см-ге дейін.
Қала көшелерінде 918 арнайы техника және 2550 жол жұмысшысы қызмет атқаруда. Негізгі магистральдер, көпірлер, жол айрықтары, еңістер мен көтерілістер, тротуарлар және аялдама аймақтары көктайғаққа қарсы материалдармен өңделіп жатыр. Жұмыстар тәулік бойы жүргізілуде.