«Қазгидромет» мәліметінше, солтүстіктен келген циклонның әсерінен Қазақстан аумағында күрделі ауа райы күтіледі, деп хабарлайды aqshamnews.kz
Солтүстік, солтүстік-батыс және орталық өңірлерде қар жауады, ал Шығыс Қазақстан облысында күндіз қардың қатты жаууы ықтимал. Оңтүстік-шығыс, оңтүстік және батыс аймақтарда аралас жауын-шашын – жаңбыр мен жылбысқы қар күтіледі.
Сонымен қатар, республика аумағында тұман, көктайғақ және желдің күшеюі сияқты қолайсыз құбылыстар болжанған.
Жүргізушілерге ұзақ сапарлардан бас тарту, ал жаяу жүргіншілерге көшеде сақтық таныту ұсынылады.
Ауа райы болжамы:
-
Астана:
Бұлтты ауа райы, кейде қар жауады, боран, көктайғақ, тұман. Түнгі температура −9...−11 °C, күндіз −5...−7 °C. -
Алматы:
Өзгермелі бұлтты, кешке аздаған жауын-шашын (негізінен қар), тұман, жолдарда көктайғақ. Түнде −4...−6 °C, күндіз +1...+3 °C. -
Шымкент:
Өзгермелі бұлтты, жауын-шашынсыз, тұман. Түнде 0...−2 °C, күндіз +3...+5 °C.