Апат таңғы 08:30-да Жетысу ауданында болды, деп хабарлайды aqshamnews.kz
Opel Vectra жүргізушісі Станиславский көшесі бойымен солтүстік бағытқа қарай жүріп келе жатқан. Рысқұлов көшесіне шыққанда SsangYong маркалы көлікпен соқтығысқан.
Соққы салдарынан қарсы бетке шығып кеткен SsangYong Hyundai Tucson және тағы бір жүк көлігімен соғысып қалған.
Жол апатының кесірінен тек SsangYong-тың жүргізушісі ғана дене жарақатын алған, ол ауруханада.
Полиция қызметкерлері жол апатына қатысты тергеу жүргізіп жатыр.