Almaty Management Univercity униерситетінде тоғызқұмалақтан Алматы қаласы тұрғындары, мектеп оқушылары, мемлекеттік қызметкерлер арасында қала әкімінің кубогі өтті.
Жарысты Алматы қаласы Тоғызқұмалақ спорты Федерациясы, Алматы қаласының Дене шынықтыру және спорт басқармасы ұйымдастырып, төрешілікті қалалық Спорт басқармасы мен Тоғызқұмалақ федерациясы бекіткен төрешілер алқасы жүргізді.
Турнирге Алматы қаласы Мәслихатының төрағасы Мейіржан Отыншиев, Almaty Management Univercity ректоры Гүлнар Тұрдәліқызы және «Тоғызқұмалақ» федерациясының қамқоршылық кеңесінің мүшелері қатысып, қатысушыларға сәттілік тіледі.
«Ұлттық ойынымыз – тоғызқұмалақтың 4 мың жылдық тарихы бар. Өткен жылы Алматы қаласын тоғызқұмалақтың дүниежүзілік ордасы, яғни астанасы деп таныдық. Сол себепті қазір іс-шаралар тоғызқұмалақ бойынша өтіп жатыр. Шахматты да, тоғызқұмалақты да, басқа да спорт түрлерін бірдей дамытып жүрміз», – деді Мейіржан Отыншиев.
