Алматыда күн сайын 50-ден астам құтқарушы, 12 техника және 19 қызметтік ит кезекшілікке шығып, төтенше жағдайға тап болған алматылықтарға көмек көрсетеді, деп хабарлайды aqshamnews.kz
Бұл туралы Алматы қаласы Төтенше жағдайларды жою басқармасының басшысы, азаматтық қорғау подполковнигі Дмитрий Ярцев және құтқару қызметінің өкілі Хозы Бүркітбайхан мәлімдеді.
Дмитрий Ярцевтің айтуынша, Алматыда екі негізгі құтқару жасағы жұмыс істейді — Республикалық жедел-құтқару жасағы (РЖҚЖ) және қалалық құтқару қызметі. Олардың құрамында 308 маман мен 447 техника, соның ішінде үш тікұшақ бар. Күнделікті кезекшілікте 42 құтқарушы, 7 техника және 6 қызметтік ит бар РЖҚЖ, сондай-ақ 5 техника мен 13 ит бар 14 құтқару қызметінің қызметкері болады.
Сонымен қатар, ТЖД өкілі Дмитрий Ярцев еріктілермен, соның ішінде «Құтқарушылар мен жолсеріктерді тауға даярлау орталығы», «Лидер KZ» және Альпинизм федерациясы сияқты ұйымдармен маңызды серіктестік орнатылғанын атап өтті. Қазіргі уақытта спортшылар, альпинистер және жол талғамайтын көліктердің иелері қатарынан 258 ерікті құтқарушы тіркелген.
Хозы Бүркітбайханның айтуынша, 2024 жылдың алғашқы тоғыз айында 210 іздеу-құтқару операциясы жүзеге асырылды, олардың 208-і тауда өтті. Бұл операциялар барысында 396 адам, оның ішінде 59 бала құтқарылды.
