Елдің болашағы – баршамызға ортақ жауапкершілік, деп хабарлайды aqshamnews.kz тілшісі.
Бүгін театр және кино актері Әсет Есжан Алматы қаласындағы №12 сайлау учаскесіне барып, Құрылтай сайлауына қатысып, өз таңдауын жасады.
Өнер саласының өкілі ретінде елдің рухани өміріне өз үлесін қосып жүрген актер сайлаудың әр азамат үшін маңызды екенін атап өтті.
«Елдің болашағы – баршамызға ортақ жауапкершілік. Бүгін өз таңдауымды жасап, азаматтық міндетімді орындадым. Әр адамның дауысы – оның елдің ертеңіне деген көзқарасының көрінісі. Біздің басты мақсатымыз – кейінгі ұрпаққа бейбіт, берекелі, рухы биік ел қалдыру. Сондықтан әр азамат өз таңдауына жауапкершілікпен қарауы керек деп ойлаймын», – деді Әсет Есжан.