Алматы қаласында әлеуметтік маңызы бар азық-түлік тауарларының бағасын тұрақтандыру мақсатында «Алматы» ӘКК» АҚ мен «Сары-Бұлақ компаниясы» ЖШС құс фабрикасы арасында қарыз беру туралы келісім жасалды, деп хабарлайды aqshamnews.kz
Келісім бойынша, 1-санаттағы тауық жұмыртқасының бағасы айына 2,4 млн дана көлемінде тұрақталады. Бағаны тұрақтандыру мерзімі – 36 ай.
«Сары-Бұлақ компаниясы» ЖШС өнімдері қаладағы сауда желілері мен сауда нүктелері арқылы сатылатын болады.
1-санаттағы жұмыртқаның бір данасының бағасы 51 теңгені құрайды, ал қаладағы сауда орындарында сатушының үстеме бағасын ескергенде, жұмыртқаның бағасы 58 теңгеден аспайды.
Толық ақпаратты almatyazyk.kz сайтынан білуге болады.