Жол қозғалысы қауіпсіздігін қамтамасыз ету шеңберінде өткен тәулікте Алматы қаласының аумағында жол қозғалысы ережелерінің 1 789 бұзушылығы анықталды, – деп хабарлайды aqshamnews.kz тілшісі.
Оның ішінде жол қозғалысына қатысушылардың өмірі мен денсаулығына жоғары қауіп төндіретін 186 өрескел құқық бұзушылық тіркелді.
Анықталған құқық бұзушылықтардың ішінде:
* көлік құралын масаң күйде басқару – 13 дерек;
* көлік құралын басқару құқығынан айырылған тұлғалардың көлік құралын басқаруы – 1 дерек;
* жалған мемлекеттік тіркеу нөмірлік белгілерімен (МТНБ) көлік құралын басқару – 3 дерек;
* маневр жасау қағидаларын бұзу, оның ішінде қауіпті маневр жасау («шашки») – 61 дерек;
* қауіпсіздік белдігін тақпау – 69 дерек;
* қарсы қозғалыс жолағына шығу – 10 дерек;
* көлік құралын басқару кезінде ұялы телефонды пайдалану – 29 дерек.
Сонымен қатар, 56 көлік құралы мамандандырылған тұраққа орналастырылды.