Алматы тауларында жоғалып кеткен студент өлі табылды, - деп хабарлайды aqshamnews.kz Lider.kz еріктілеріне сілтеме жасап.
18 жастағы Ақылбек Нұрислам 2 шілдеде жоғалып кеткен еді. Туыстарының айтуынша, ол тауға кеткен. Соңғы рет оның телефоны Үлкен Алматы шатқалы маңында тіркелген. Іздеуге 40-тан аса адам жұмылдырылды.
Алматы Полиция департаментінің баспасөз қызметінің мәліметінше, жоғалған адамның мәйіті табылған.
"Денесінен зорлық-зомбылық белгілері табылмады. Сот-медициналық сараптама тағайындалды. Оқиғаның мән-жайы анықталып жатыр", – деді ПД баспасөз қызметі өкілі.