1 қазан күні сағат 09:00-ден Алматыда жаңбыр жауа бастады. «Қазгидромет» РМК болжамына сәйкес, жауын-шашын 2 қазан сағат 01:00-ге дейін жалғасып, жалпы көлемі 17 мм-ге дейін жетуі мүмкін. Сағат 20:00-ден кейін қалада қар аралас жаңбыр жаууы мүмкін. Шығыстан соққан желдің жылдамдығы 3-8 м/с, екпіні 13 м/с-қа дейін жетеді. Ауа температурасы +6 °С шамасында болады.
Синоптиктердің болжамынша, 2 қазанға қараған түні жауын мен тұман сақталады. Түнде ауа температурасы +3…+5 °С, күндіз +10…+12 °С аралығында болады.
3 қазанда – ауа райы бұлтты, бірақ жауын-шашынсыз. Түнде +3…+5 °С, күндіз +13…+15 °С болады.
Қалада ықтимал су басудың алдын алу және оның салдарын жою мақсатында коммуналдық қызметтердің тәулік бойғы кезекшілігі күшейтілген тәртіпте ұйымдастырылды. Жұмысқа 117 арнайы техника, 74 мотопомпа, 14 ассенизатор көлігі (оның ішінде 7-уі қауіпті аймақтарда) тартылған. 81 жедел бригада (421 жұмысшы) мотопомпа мен қажетті құрал-жабдықтармен қамтылып, 2 310 қапшық дайындалды.
Алматы қаласы Құтқару қызметі: 1 ассенизатор көлігі, 15 мотопомпа, 51 маман.
Алматы қаласы ТЖД: 58 арнайы техника, 240 қызметкер.
Күндізгі уақытта 387 арнайы техника мен 1 808 жұмысшы еңбек етеді. Түнгі уақытта 153 арнайы техника мен 301 жұмысшы жұмылдырылған.
Қаланың тұрғындарына қауіпсіздік шараларын сақтап, түнгі және таңғы уақытта таулы аймақтарға бармауға шақырады.