Бүгінде Алматыда жатақханалардың жетіспеушілігі ең өзекті мәселелердің бірі.
Ағымдағы жылы қалада жеке инвестициялар есебінен 4 010 төсек-орынға арналған 7 жатақхананың құрылысы жүргізілуде, деп хабарлайды aqshamnews.kz.
Мысалы, жаңа оқу жылында 130 төсек-орынға арналған студенттік жатақхана ашылады, онда педагогикалық мамандығы бар ұлттық жоғары оқу орындарының студенттері тұратын болады. Заманауи барлық жағдайы жасалған жатақхана бұрынғы ғимаратты қайта құру арқылы жасалды.
Құрылыс-монтаждау және әрлеу жұмыстары аяқталды. Барлық қажетті жиһаздар мен жабдықтар сатып алынды. Нысан ағымдағы жылдың тамыз айында пайдалануға беріледі.
Студенттерді жатақханаға орналастыру тамыз айының ортасында жоспарлануда.
Жатақхана орналасқан мекенжайы: Алматы ауд., Жұмалиев ш/а, 28.