Алматы ТЖД мәліметінше, өрт 6 мамырда сағат 5:45 шамасында шыққан.
"Самал" шағынауданындағы Life town сауда орталығынан өрт шықты, деп хабарлайды Almaty-akshamy.kz.
Әлеуметтік желіде Life town сауда орталығына жапсарлас орналасқан бургер және донер сататын дүңгіршектен өрт шыққаны туралы хабар тарады. Өрт сауда орталығына қарай ұласқан.
Донер сататын дүңгіршектен шыққан өрт сауда орталығының екінші қабатына ұласқан.
«Өрт аумағы 150 шаршы метр. Алғашқы бөлімшелер шақыру орнына сағат 05:50-де (5 минутта) келді. Өрт 06:16-да ауыздықталып, 06:30-да сөндірілді. Қаза болғандар мен зардап шеккендер жоқ. Өрттің шығу себебі анықталып жатыр», - деді ТЖД өкілдері.
