Алматыда самокат мінген екі ер адам жолға сыймай, төбелесіп қалды. Желіде оқиғаның видеосы тарады, - деп хабарлайды Aqshamnews.kz тілшісі.
Оқиғаға қатысты не белгілі?
Самокат мінгендердің төбелесі түсірілген видео әлеуметтік желілерде пайда болды. Онда екі ер адам жаяу жүргіншілер жолында бір-бірімен соғылып қала жаздағаны көрінеді. Оқиға жанжалға ұласып, кейін ер адамдар жұдырықтасып кетеді.
Полиция пікірі
Алматы Полиция департаменті жанжалдасқандар іздестіріліп жатқанын айтты.
"Жаяу жүргіншілер жолында төбелескендер ұсталып, заңның қатаң талабына сәйкес жауапқа тартылады. Әрқайсының әрекетіне құқықтық баға беріледі. Мұндай тәртіпбұзушылықтарға жол беруге болмайды деп санаймыз", – деп мәлімдеді полиция өкілдері.
Еске салайық, 11 қыркүйекте Алматыда қазанның аяғына дейін электрсамокаттарға арналған пилот тұрақтар іске қосылатыны белгілі болды.