Алматыда Yandex Qazaqstan компаниясының робот-жеткізушілері пайда болды. Олар қалада дербес қозғалып, кедергілерді айналып өтеді және жаяу жүргіншілерді өткізіп жібереді, деп хабарлайды aqshamnews.kz.
Бастапқы кезеңде роботтар Яндекс Go арқылы «алтын квадрат» аймағында орналасқан мейрамханалар мен кафелерден тапсырыстарды жеткізеді.
Роботтар төрт түрлі сенсорлармен жабдықталған: лидарлар, радарлар, камералар және ультрадыбыстық датчиктер, олар 100 метрге дейінгі қашықтықтағы объектілерді көруге мүмкіндік береді.
Жүк салу бөлігінің сыйымдылығы 60 литр, бұл алты үлкен пицца мен төрт екі литрлік су бөтелкесін сыйғызуға мүмкіндік береді.
Алғашқы кезеңде роботтар Алмалы ауданында жұмыс істеп, белгілі мейрамханалардан тапсырыстарды жеткізеді.
Роботтар қар мен жаңбырда да жұмыс істей алады және өте пунктуалды.