17 команда бірнеше күн бойы күш, жылдамдық және ептілік бойынша сынға түсті.
Офицерлер үйінде «Қалқан» спорттық турнирінің үздік қатысушыларын марапаттау рәсімі өтті, деп хабарлайды Аlmaty-akshamy.kz
Республикалық спартакиада аясында Алматыда бірнеше күн бойы жарыс өтті. Алматыға әр өңірден жиналған 17 команда күш, жылдамдық және ептілік бойынша сынға түсті. «Жас сарбаз» қозғалысының жас тәрбиеленушілері пневматикалық мылтықтан кім жақсы ататынын, шаңғыны жылдам тепкенін немесе үш шақырымға жүгіре алатынын анықтады. Сонымен қатар, жігіттер штангаға тартылу бойынша жарысса, бойжеткендер жаттығу жасады.
Нәтижесінде байқаудың әр номинациясы бойынша жеңімпаздар анықталды.
«Жастарды патриоттыққа тәрбиелеуде «Қалқан» республикалық қысқы спартакиадасының маңызы зор. Ұлдар мен қыздар үшін бұл өзін көрсетудің тамаша мүмкіндігі. Сіз осы мықты, мақсатты жігіттерге қарап, Қазақстанның болашағы сенімді қолдарда екенін түсінесіз», - деді марапаттау рәсімінде Аэро-десанттық-шабуылдаушы әскерлер қолбасшысының орынбасары Раджан Жанысов.
Жарыс кестесінің тығыздығына қарамастан жас спортшылар мәдени-сауық бағдарламасына уақыт тапты. «Медеу» спорт кешенін аралап, 842 баспалдақты еңсеріп, бөгетке сауықтыру сатысымен көтерілді. Сондай-ақ, «Жас сарбаз» қозғалысының мүшелері дельфинарийде болып, патриоттық фильмді тамашалады.